WILLEMSYTAD.- Relashoná ku un kaso di menasa ku arma di kandela i violashon di lei di arma di kandela, matamentu di un kachó i maltrato di un otro dia 7 di aprel 2024 den Kanga, polis a realisá un detenshon.
Ta trata di un kaso kaminda un hòmber a presentá dilanti un kas den Kanga i tira un kachó mata.
Polis ta informá ku kontinuando ku e investigashon, ayera mainta kuartu pasá di 7 e Tim di Aresto a detené e hòmber B.A.D. di 31 aña di edat nasé na Kòrsou, pa e kaso ariba menshoná.
Detenshon di e hòmber aki a tuma lugá riba Suffisantweg.
Despues di e detenshon Tim di Atrako a tene un entrada hudisial na un adrès den Kanga.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
(Foto file)
