WILLEMSTAD.-Informashon ku a yega mesa di redakshon di EXTRA ta indiká ku na e momentunan aki outoridatnan polis a kuminsá un investigashon relashoná ku kurpa sin bida ku a topa na kaminda pa playa Guepi. Tur kos ta indiká ku ta trata aki di un kaso si asesinato. Un persona den sakunan di plèstik pretu benta den e mondi i tapa ku sushi.
Keda pendiente di EXTRA ya ku asina tin detaye nos lo suministrá esaki di forma responsabel.
++UPDATE:
Polis djárason atardi ta duna di konosé ku djaweps 29 di febrüari 2024 alrededor di 10.49’or di mainta, Sentral di Polis a risibí informashon ku tin un dama ku no ta duna señal di bida den área di Playa Gipy na Westpunt. E unidat ku e yega na e sitio a tuma nota di e dama den e mondi ariba menshoná i ku señalnan di violensia na su kurpa. Alrededor di 12.20’or dòkter di polis ku a presentá na e sitio a konstatá morto. Riba òrdu di Fiskal di Ministerio Públiko a konfiská e kurpa pa mas investigashon. Departamentunan di reshèrshi ta kontinuá ku investigashon di e kaso ariba menshoná.
