WILLEMSTAD.- Polis ta investigando un kaso di kimamentu di diferente outo ku tin relashon ku un “miss”.
Ta trata di un kaso ku tin andando algun dia kaba i polis ta ful den investigashon pa sa ta kiko ta pasando.
Segun EXTRA por a komprondé, algun dia pasá a kima outo di e miss aki. No a pasa muchu dia ku a kima outo di su pareha tambe. Ta trata di promé di un Hyundai pretu i despues un Toyota Rav. Segun EXTRA su informantenan e kaso di kimamentu di outo aki a sosodé den Admiraalsweg.
Polis sinembargo a konfiská algun testigu silensioso manera un slòf, lighter i tambe un bòter di serbes ku tabatin gasolin den dje i ku e malechornan a usa pa sende e outonan na kandela. Echo ta ku ta un kaso intenshonal di sende kandela.
No ta konfirmá ku kisas e kandelanan aki tin di aber ku e reinado di e dama, pero e investigashonnan ta kanando den e direkshon ei, segun EXTRA su fuentenan a indiká.
(Foto archivo)
Un pregunta
Kon mi tambe por vota den tweede kamer