WILLEMSTAD – Awe mainta tempran Sentral di Polis a risibí un notifikashon di un kaso unda a pasa basha bala riba un kas den Koraalspecht. Polisnan a yega na Kaya Shers i aki a tuma nota ku a pasa los bala riba e kas. Mesora a inisiá ku e investigashon i no tabatin herido na e sitio. Polis di Punda a bin topa ku 4 huls i impakto di bala den porta di e kas. TFO tambe a akudí na e sitio pa hasi nan investigashon.
