WILLEMSTAD – Un situashon hopi tristu a surgi awe mainta na Santana di Sta. Maria ora a bin tuma nota ku hendenan ku mente no bon a disidí di saka un defuntu for di kèlder i su kaha. Ta trata di un defuntu ku tin 9 aña morto kaba i dera einan. Famianan mester a bin santana pa mira e situashon horibel aki di nan ser kerí. Ta sospecha ku lo ta pa hòrta kos di e defuntu, pero despues a tuma nota ku un oloshi kolo di oro a keda benta abou. Famianan no ta komprondé ku despues di 9 aña ta bin saka nan ser kerí for di kèlder. Asta a benta e defuntu abou den santana. Pastor Curtis Meris tambe a yega pa duna sosten na e famianan. GMN tambe i TOD a presentá na e sitio pa hasi e investigashonnan nesesario.
){kind=link}