WILLEMSTAD – Debí na presensia di vários Pèchi Portugues na Playa Kenepa Chikí awe, outoridatnan no a tuma riesgo i a sera e playa. Esnan presente na e playa a logra saka por lo ménos kuater di e Pèchi Portuguesnan aki for di laman. E situashon di wer i laman a pone ku a surgi un presensia for di normal di e Pèchi Portuguesnan. Na komienso di siman tabata na playa di Caracasbaai unda e ‘kima kima’ nan a pika un hòmber ku mester a keda transportá pa CMC pa yudansa. Un atvertensia ta bai pa un i tur ku ta usa playanan prinsipalmente na parti sùit pa tene kuenta ku por tin presensia di Pèchi Portugues.
