SAN DIEGO, AP.- Un adolesente di California akusá di drenta ku un tiger chikitu den Merka a bisa djaweps na un hues ku el a kumpra e tiger riba kaya na Tijuana, México.
Luis Eudoro Valencia, siudadano merikano ku ta biba na Perri, a wòrdu akusá despues ku e mamífero a wòrdu detektá djárason abou den e outo ku e tabata drentando kuné den California, atraves di Otay Mesa, na San Diego. Asina Ofisina di Duana i Protekshon na Frontera a indiká.
Valencia a bisa na korte ku el a atkerí e tiger pa 300 dòler ku el a entrega na un persona ku el a konosé den e siudat. E persona aki tabata kanando ku un tiger grandi kual e tabatin mara na banchi.
Funshonarionan di Servisio Federal di peska i Bida Silvestre a tuma e tiger den beslag i ta dialogando ku Zoológiko di San Diego pa kuid’e.
