WILLEMSTAD.-Un ratu pasá a registrá un aksidente di tráfiko basta serio riba Cadushistraat. Dos outo di famia a topa otro kasi frontal. Cadushistraat (Montaña) ta un kaya ku tin hopi moveshon di vehíkulo tur dia, pero e kaya ta den un estado asina deplorabel ku shofùrnan mester hasi hopi maniobra pa skapa e kantidat di burakunan òf bultonan ku a keda krea despues di e akshon di kore basha un tiki asfalt den buraku. Mester a pidi ambulans pa duna kuido na e okupantenan di e vehíkulonan. Porsierto ámbos vehíkulo den e aksidente aki ta man kontrali esta ku stürwil na man drechi.
