Víktima di aksidente a muri awe
ORANJESTAD.-Kuerpo polisial di Aruba ta informa ku un persona ku tabata embolbi den un aksidente dia 9 di desèmber 2022 a fayesé. Esei ta hiba e kantidat di mortonan di tráfiko di Aruba den 2022 na 14.
Polis arubano ta indiká ku dia 9 desèmber 2022 a sosodé un aksidente basta serio, na unda un persona ariba baiskel a keda alkansá pa un outo na altura di ex-House of Cake na Savaneta. Ambulans a hiba e Víktima ku urgensia pa hospital.
Despues di lucha pa su salu pa un par di siman a drenta e notisia ku dia 1 yanüari 2023 pa 5.50 pm e Víktima Rolando Jacinto HENRIQUEZ, nase na Aruba dia 9 ougustus 1960 a fayesé.
Esaki ta bira e di 14 morto den tráfiko di Aruba pa 2022.