MIDDLESEX, VIRGINIA, MERKA, AP.- Un avioneta a dal kontra un kas na Virginia i tres persona na bordo a sobreviví ku heridanan ménos, segun indikashon di outoridat.
E kas tabata bashí na e momentu di e insidente. E avion chikitu, ku un motor, a sali algu promé ku 9olr di djasabra mainta di un aeropuerto na Topping, un ora na ost di Richmond, segun e hefe di polis di kondado di Middlesex, David Bushey, den deklarashon na WWBT. Na bordo di e aparato tabatin dos adulto i un hóben.
E piloto a pèrdè kòntròl di e avion, ku a pasa entre dos palu i a dal kontra un kas den kondado di Middlesex, segun e kanal di televishon.
Un imágen di e kas a mustra dañonan importante na e struktura.
E okupantenan di e avion a wòrdu trasladá pa un hospital, kaminda nan por a bai kas mesora, segun Bushey.
