WILLEMSTAD.- Den su afan pa duna informashon i promové nos Karnaval korant EXTRA ta estrená awe nochi 7or un podcast di Karnaval titulá ‘Den ambiente ku Louie Louie’.
Luis Curiel ta e produktor dje podcast ku lo keda transmití ‘bibu’ di djaluna pa djabièrnè entre 7or pa 8or di anochi i si kos ta kayente, lo rek’e algu mas.
Reportahe, entrevista i bon ambiente ta loke e podcast aki lo sòru pe.
Un kobertura amplio ta bai duna na Karnaval 2024, Festival di Tumba i tur loke ta relashona ku e aktividat kultural di mas grandi di Korsou.
Sigui e plataformanan digital di Korant Extra, riba facebook: extracuracao i tambe e kanal di YouTube: extracuracao.
Keda pendiente pa algun sorpresa durante dje promé serie di ‘Den ambiente ku Louie Louie’. Karnaval t’aki e ta biba!