WILLEMSTAD.- E barku 7 Seas a yega Kòrsou awe pa transportá e yudansa humanitario pa Venezuela. Pero promé minister Rhuggenaath a bisa ku e barku no por sali si no tin e garantia i si e situashon no ta ‘safe’ pa e yega Venezuela. Tambe mester tin un infrastruktura kla kon e artíkulonan lo keda distribuí na Venezuela. Esaki ta loke EXTRA a komprondé di promé minister Eugene Rhuggenaath. Esaki tambe ta e palabrashon ku gobièrnu a hasi den parlamentu, abase di e moshon ku a keda tuma. I e garantia ei no tei, ounke ku e presidente di Asamblea Nashonal Guiado a hasi e petishon. E barku a bin riba un inisiativa priva pa bai ku e produktonan pa Venezuela.
E barku awor ta mei mei di un kontroversia ya ku ni promé minister ni duana no ta dunando e OK pa e por sali ku e produktonan humanitario.
Mas aleu nos a komprondé ku tin medionan di komunikashon grandi na Kòrsou siguiendo e notisianan for di Venezuela. Pa mas detaye lesa EXTRA mainta.
