WILLEMSTAD.- Ayera den oranan di mardugá abitantenan di Mexicoweg a spièrta debí na kantidat di zonido di bala. Promé nan a kere ta vürwèrk pero a resultá ku ta dos vehíkulo tabata kore tras di otro i lòs bala riba otro. Esaki tabata den kareda di 4 or di mardugá. No a logra wak ki tipo di outo pero mainta polis a presentá i a konta no ménos ku 18 huls den e kaya ei. E kaso ta sigui den investigashon.
