WILLEMSTAD.- E fin di siman ku a pasa Kunuku Man i su grupo di boluntarionan tabata aktivo atrobe. Un biaha mas e grupo a pasa den e aria di Rif pa e parti di limpiesa. A rekohé sushi for di e rotònde di i tambe den bisindario di stadion i SVB. Den e kaso aki nan a haña nan mes konfrontá ku hopi sushi den forma di plèstik, hopi kùp, saku, bòter i otro artíkulonan di plèstik. Opviamente hopi hende ainda ta para kome i bebe na kualke sitio i ta laga nan porkerianan atras pa otronan hisa.
Den e kaso dje fin di siman ku a pasa nan a rekohé komo 180 bòter di serbes ku a pisa 36 kilo i ku a bai pa resiklahe na banko di glas; tambe a rekohé 150 bleki di aluminio na rason di 2 kilo i ku tambe a bai pa resiklahe; pa loke ta plèstik a rekohé 15 kilo, kual a bai pa resiklahe na Fuse Caribbean. Al final a keda un 26 kilo di sushi ku a bai landfill. En total tabata 79 kilo di sushi, kual tabata ménos ku otro sitionan, pero tòg tabata 79 kilo di mas. Pues na lugá di a disfrutá di seú na Bándabou, Kunuku Man i su grupo a kana piki sushi di otronan.
For di awor un invitashon ta bai pa esnan ku ta deseá, pa nan akudí djasabra awor na playa di Kenepa Grandi pa un torneo di dominó ku lo start for di 10’or di mainta.
