Lisandra Martis
Den un programa di Djasabra anterior, nos a papia ku Lisandra Martis riba Federashon Otrobanda. El a splika na e momentu ei kon nan struktura ta hinká den otro. Dependé kua tópiko ta atendé, ta sinta na e departamento konserní pa asina tin tur instansia. E struktura ei a bin ta funshoná. Den retonan finansiero i retonan polítiko a pone ku e struktura a bira ménos efisiente durante di añanan. Durante di último añanan loke nan tabata tende ora aserká ministerio, ku no tin sèn i no tin hende. I si ta asina no por traha. E struktura polítiko tambe ta otro reto ora ta trata en partikular e parti finansiero, pasobra ora gobièrnu nobo sinta, ya nan programa i presupuesto ta traha kaba i e organisashon di Otrobanda ta kai chikí. Pero segun Lisandra, tin diferente di e nesesidatnan ku nan di Otrobanda ta trese dilanti, ta den e programanan di gobièrnu kaba, pero e maneho di solushon’é ta bai tarda demasiado. Tin bia di kisas 10 punto, ku tin ta 2 so ta den e programa di gobièrnu. Miéntras ku pa nan di Otrabanda, ta tur e puntonan ta importante.
Konosé e nesesidatnan
Na 2017 segun Lisandra ta sigui konta Djasabra, nan a invitá tur parlamentario, tur nan kolaboradónan i ministernan pa bin konosé e paden di Otrobanda. Nan a pone tur den un konvoi i a duna un splikashon ta kiko nan ta hasiendo i kiko e situashon ta. Intenshon ta pa nan wak e situashon i pa ora tuma desishon, no ta algu riba papel nan tin di tuma nota di dje pero nan sa ta di kiko ta papia. I a laga habitantenan mes splika na e okashon ei di nan nesesidat. E dia ei tabata fruktífero, ounke e organisashon a keda tristu pasobra por a tende komentarionan ku e bishitantenan ei, esnan ku entre otro tin di tuma desishon no sa ku ta asina e situashon ta. E kantidat mas grandi ku tin di tuma desishon no tabata konosé e situashon aki. I ta asina e organisashon di Biba Otrabanda ta traha. Biba Otrabanda tin relashon ku instansianan manera KPC i Selikor pero ta pensa den aserkamentu sentralisá i dirigí pa traha ku e instansianan direkto. Ta un proyekto piloto ku a kuminsá na 2017, na 2019 a hasi inventarisashon den barionan huntu ku Selikor i KPC. Nan a hasi anochinan di investigashon pa e nesesidatnan i a base di eseinan pone e tres nan di mas urgente i traha plan di akshon.
Kuminsá ku limpiesa
E promé di e plan di akshon ku Lisandra a splika di dje ta limpiesa. Mester a kuminsá ku limpiesa den e barionan di Otrobanda. E fase ta limpia karkacha, wak e asuntunan di infrastruktura ku mester atendé. E limpiamentu ta inkluí tambe kachó i bestianan ku ta kana rònt. I den e fase aki tin Selikor, Xteam, KPC i GMN. Na mart 2020 mester a kuminsá pero nèt covid a kai aden i a wanta tur kos. Esaki sinembargo a trese pa nan e desafio aun mas grandi pa nan, kaminda nan a logra inkorporá den e tin di Biba Otrabanda KPC, Selikor, Xteam GMN, Curaçao Clean Up, instansia priva Dierenkliniek Parera pa manehá bienestar di animal i kompania pa e merkadeo. Lisandra a bisa ku nan ta sinta un bia pa luna i durante di e reunionnan e hefenan di servisio tambe tei.
Trayekto monumental
Loke nan a logra ku e trayekto aki ta monumental. E ta un satisfakshon pasobra segun Lisandra, por a mira e invershon di e hefenan den e trayekto. E hefenan aki tabatin gana di un plataforma pa traha huntu i Biba Otrobanda ta traha riba efisiensia. Dor di trese e timnan huntu e ta kosta ménos i ta traha mas efisiente. Por ehèmpel si hende dùmp algu KPC mester ta envolví, Selikor i tambe Xteam. Tin bia e trabounan ta krusa otro i tin bia ta pa un so. Ta e mesun kantidat di hendenan ta usa pa e trabou. E ta mas ekonómiko i ta satisfasé e personanan ku tin di hasi e trabou. Banda di e filosofia di e federashon, semper habitante mester ta envolví. Esaki pasobra e habitante mes tin di tuma responsabilidat i garantisá e durabilidat.
Biba Otrobanda, Biba
Pa loke ta trata e nòmber Lisandra a splika ku e yama Biba Otrobanda pasobra e hende ta biba den Otrobanda pero tambe e biba di selebrá. Esei ta e nòmber i e nifikashonnan. Ku esaki Lisandra a splika ku ta e aña aki numa e akshonnan mes a kuminsá, for di dia ku nan a lanta e proyekto piloto. Na gobièrnu nan a splika di kasonan real i kon e konekshonnan ministerial ta. Hopi bia durante di nan trabou ta keda pegá mitar kaminda debí na e konekshon ku no tabatin, Pero awor ku e proyekto piloto, ku tur e organisashonnan di gobièrnu ku tambe ta forma parti di dje, e trabou ta kuminsá i ta kaba. Por ehèmpel tin bienestar di animal. Esei ta nifiká ku ta duna habitantenan informashon kon ta kuida animal. Nan ta kombiná informashon i edukashon i lo bin asta lès na hóbennan riba animal. Curaçao Clean Up tambe tin nan parti di konsientisashon por ehèmpel pone sentro di resiklahe meskos tin otro kaminda. Selikor ta hopi importante pa menshoná, pasobra nan tin diferente servisio ku nan ta duna grátis pero komunidat no ta hasi bon uso di e servisionan ei. Den nan kaso nan ta konsentrá ful den konsientisá habitantenan riba e servisionan di Selikor. Por ehèmpel mayoria hende no tabata sa ku ora saka e ‘Grof vuil’ mester mèldu Selikor pa pasa rekohé. I esei ta e konsientisashon ku ta duna na habitantenan. Tambe nan a kuminsá ku akshon di komersio, kaminda Xteam/GMN a kana den Kaya pa eduká i yuda e empresarionan di e pèrmitnan ku nan mester. I den e trayekto kanando, nan ta hañando mas partner ta bin aserka. Di e forma aki ta sòru pa e komersio kumpli i yega leu. Tin trayekto pa komersio i habitante segun Lisandra.
Habitantenan ta envolví
E proyekto piloto di biba Otrobanda ta kumpli 1 aña pronto. I Lisandra Martis a bisa ku e ta felis ku e proyekto aki. Dios ta keda iluminá nan konstantemente. Den e trayekto aki no kier a envolví e parti sosial mesora, pero nan a hasié tòg pasobra e tabata nesesario. Por ehèmpel e Neighborhood Watch, nan mester a sòru pa tur habitante ta aden, polis di bario ta den dje i den e kuadro aki a duna kurso i eduká habitantenan pa tin algun habitante ku ta traha direkto ku KPC. E mesun kos lo bai hasi pa e aspekto di higiena. I di e forma ei ta empoderá e habitante pa e bira lider pa yuda KPC, Xteam, i Selikor. I ora e habitante mes ta envolví, e kos ta na otro nivel. No tin nada mas mihó ora e hende den bario mes ta enkargá i envolví. Loke e ta logra ku e habitantenan i bisiñanan ta nada kompará ku ora e polis di bario bin. Ta esaki ta e sekreto di federashon Otrobanda i di Biba Otrobanda. Ta e hendenan mes ta e sekreto di e durabilidat i efisiensia.
E malchi tei kaba
Biba Otrobanda ta un plataforma di trabou. Dor di usa e plataforma Biba Otrobanda i komo ta traha riba e diferente akshonnan, mester di ménos hende. Den Kura di shon Fil a kuminsá ku e aspekto di limpiesa i mester di ménos hende. Despues ku e mesun trayekto ei lo bai otro partinan di Otrobanda i asina mester di ménos hende den e komishonnan pasobra e malchi tei kaba, e efisiensia tei.
Limpi’é, Kuid’é, Stim’é ta Biba Otrobanda
Otrobanda ta un núkleo di nos komunidat ku ta konsistí di komersio i habitante.
Federashon Otrobanda(FO) a introdusí Plataforma “BIBA OTROBANDA”
Biba Otrobanda ta un Plataforma di trabou, un plataforma ku ta promové;
Kolaborashon, Traha mas efisiente i mas ekonómiko,
Kombiná un variedat akshon/trabou,
Interkambio di diferente grupo i organisashon ku metanan en komun,
Interkambio di diferente grupo i organisashon ku metanan ku ta komplementá otro
Promové Proyekto/ Akshon entre instansia, Fundashon, Komersio, Instansia Gubernamental, Semi- Gubernamental.
Inklushon di habitante i Komersio den e solushon(nan) i mantenshon di esaki(nan)
Durabilidat i Sostenibilidat.
Kada nesesidat den nos komunidat tin solushon. Diferente “partner den nos komunidat tin un parti di e pùzel, un parti pa ku solushon. Loke BIBA OTROBAND ta para p’e, ora nos kombiná, Hende, Rekurso, Talento i mas, nos tin Máksimo akseso na un porsentahe mas haltu di e solushon (nan) i maksimalisá durabilidat i inklushon…
E famia di Otrobanda ku ta konsistí di;
Federashon Otrobanda(FO), organisashon madre i tur su Komishonnan di Bario, i
Sosiedat Komersiante Otrobanda (SKO), Plataforma Otrobanda (PO), a inventarisá, i a yega na un serie di akshon i plan di trabou.
“ PLATAFORMA BIBA OTROBANDA”,
nos NGO nan SKO, PO, FO i nos partnernan nobo
Korps Politie Curaçao, Selikor, GMN ( X-Team, Vergunningen, Beleid MNB)
Dierenmaatschap Parera, Curaçao Clean Up, Antillean Billboard
Think2Do Institute, Avalon University School of Medicine, Komishon di Bario(nan) Miembro di FO, (primordial den tur relashon di trabou pa solushoná retonan pa i di nos habitantenan)
“ PLATAFORMA BIBA OTROBANDA”,
Kolaboradornan i Donashonnan ku ta kompletá servisio, ekipo nesesario pa e proyekto(nan)
Fundashon Sentro di Bario Otrobanda, The Freedom Hotel, Digital Lemonade, Seven Media, Excell Water Production & Consultancy BV, Connections
Kontakto: 569-0175 670-8016
Lisandra Z. M. Martis, federashonotrobanda@gmail.com
FB: Federashon Otrobanda IG: federashon_otrobanda
Aña 2023 nos aña di piloto pa nos aktividat/ akshonnan.
Neighbourhood watch
Korps Politie Curaçao, (Prevenshon i Komunikashon, Buurtregie i warda di Polis Otrobanda)
Gruponan di app den bario pa agilisá prevenshon, komunikashon, akshon i solushon pa retonan.
E gruponan ta konsistí di Polis di Bario, Manadjer / Liason habitante pa asuntunan di Polis i asuntunan di Medio ambiente i higiena (KPC i Xtim ta prepará e Manadjer habitantenan).
Enfoke i Edukashon Servisionan di Selikor
Selikor, (Hoofduitvoerders)
Kampaña pa konsientisá, informá i siña habitantenan pa hasi mayor uso i di akshon i servisionan di Selikor. Tambe kampaña i Akshon di Limpiesa di Karkacha.
Akshon Pèrmitnan di Komersio i Akshon asuntunan di Komersio
GMN ( X-Team, Vergunningen, Beleid MNB,)
Kampaña di servisio, informashon i edukashon tokante pèrmitnan ku pa lei komersiante mester tin pa su empresa. Yudansa ku trayekto pa ku esakinan.
Akshon(nan) Bienestar di animal i Edukashon
Dierenmaatschap Parera
Kampaña i Akshon pa Bienestar di Animal, Edukashon pa hóben i famia di komunidat tokante esaki i registrashon di e komunidat di animal di Otrobanda.
World Clean Up Day, Sentro di Resiklahe i Konsientisashon
Curaçao Clean Up
Limpiesa, Akshon, Konsientisashon i edukashon di e tópikonan.
Akshonnan di Konsientisashon, Visibildat, Durabilidat
Antillean Billboard
Merkadeo, Visualisashon i Konsientisashon di akshonnan menshoná, esaki ta yuda ku durabilidat di e tópikonan den komunidat.
Federashon Mas Serka di Bo, Akshonnan di Komunikashon, Investigashon i Komunikashon bou i pa habitantenan)
Think2Do Institute,
Komishon di Bario di Federashon i bario bisiña Wishi Marchena, St. Helena, Habaai Plantensrust i Charo)
Investigashon formal tokante “Resilience & Social Cohesion” bou di habitantenan
Inventarisashon nesesidatnan bou di habitante
Trese informashon relevante di variedat di tópiko i nesesidat serka e habitante (speakers’ Tour)
Plataforma pa instansianan ofisial interkambiá ku Habitante (Townhall Meetings)
Kompartí i Interkambiá ku Bisiñanan di Otrobanda.
DANKI
FEDERASHON kier para ketu un ratu na balor di medio di komunikashon. Un danki speshal na tur ku semper ta koperá ku nos pa trese informashon i desaroyo na nos komunidat.
Un danki Speshal na Valesca i su tim di EXTRA, e oportunidat aki riba aniversario pa trese nos mensahe den e forma aki, den e edishon aki… Much Love – Lisandra Z. M. Martis.
