WILLEMSTAD.- Ayera mainta a surgi un aksidente ku un turista ku tabata práktika ‘kite surfing’ na St. Jorisbaai. Tin ku bisa ku awe tin un ráfaga di bientu masha duru mes i komo konsekuensia di esaki e ‘kite’ a lanta e turista basta haltu den laira. Na un dado momento, ora bientu a drumi e turista a bin abou duru atrobe, kai i a raspa tur su kurpa. Personal di ambulans a bai St. Jorisbaai a transportá e persona na hospital.
