Willemstad.- konforme investigashon preliminar ku Aqualectra a efektuá, un di e kabelnan prinsipal ku ta transportá koriente entre e sub-stashònnan na Nijlweg i Weis a sufri un korto sirkuito alrededor di 2:00 di mèrdia i asina okashoná un ‘blackout’.
Aqualectra a enfatisá ku no ta trata di falta di kapasidat di produkshon. E sub-stashòn na Nijlweg ta un di e puntonan di mas kardinal den transportashon di koriente na Kòrsou. Konsekuentemente, e kabel ku a kibra a krea un desbalansa kompleto riba nos ret di transportashon i distribushon di koriente afektando nos produkshon total di koriente.
Ta hasiendo e trámitenan pa restablesé koriente primeramente pa área pariba, miéntras ku ta sigui traha pa restablesé suministro di koriente pa e área pabou mas pronto posibel.