RIO DE JANEIRO, AP.- E frontera entre Brasil i Venezuela tabata un esenario pa konfrontashon djadumingu, na momentu ku diferente manifestante a konfrontá ku elementonan di Guardia Nashonal venezolano, pidiendo pa habri e paso na frontera, será pa terser dia konsekutivo.
Manifestantenan den siudat di Pacaraima, estado di Roraima, a kuminsá tira piedra riba e trupanan venezolano, kual a rospondé ku bala di rùber i gas lakrimógeno te riba teritorio brasilero.
E kanal di televishon kanal Globo a ilustrá un militar brasilero avansando pa pidi e sòldatnan venezolano pa keda trankil i a pidi manifestante i periodistanan pa hala atras i keda trankil.
E gobièrnu di Roraima, estado brasilero na frontera ku Venezuela a dekretá e estado komo un “kalamidat públiko” den e sektor di salú debí na e esfuerso ku miembronan di salú mester a hasi debí na e entrada masivo di venezolanonan heridá durante e konfrontashon na frontera.
22 venezolano a haña atenshon médiko i ta interná ku herida di bala despues di un dia ku hopi tenshon i konfrontashon na frontera.
