ORANJESTAD.-Polis di Aruba ta informa ku djadmingu anochi pa mas o menos 11:15 sentral di polis a risibi informashon di un aksidente ku a tuma luga riba e kaminda di Camacuri na altura di Aruba Bank. Un outo a alkansa un peaton.
Sentral di polis a despachaa unidatnan di polis na e sitio. Na yegada di e prome patruya a bin topa ku un persona maskulino banda di kaminda ku tabata duna senjal di ta hopi kritiko. Mirando su situacion a pidi ambulans ku urgensia.
Na e sitio polis a tuma nota di e outo KIA Sportage kolo pretu A-18809. Polis a aserka e shofur na unda a konstata ku esaki lo ta bou di influensia di alkohol. A hasi test kuné i mirando e mirando e resultado a detene e shofur aki mesora. uffeur di e auto KIA Sportage.
Un rato despues ambulans a presenta, pero no por a hasi nada mas pa e viktima. Pa 11:45 dr. Texier a konstata morto di e homber A.J.B. nase na Brazil, di 54 aña di edat ku ta bibando na Aruba.
Specialista di trafiko i polis tekniko/forensiko a presenta na e sitio pa hasi nan investigashon. Departamento di Slachtofferhulp tambe a presenta. Te awor no por a lokalisa famia di e fayesido i p’esei Kuerpo Polisial ta haci un apelacion na famia di e fayecido pa por tuma kontakto ku e sentral di polis yamando na e number di telefoon 100, pa asina departamento di trafiko por tuma kontakto ku nan. Cuerpo Policial Aruba ta manda palabra di kondolensia na famia di e fayecido.
