WILLEMSTAD – E festival ta habri djaweps 29 di ougùstùs ku CHIC ft. Nile Rodgers i Leoni Torres. Djabièrnè 30 di ougùstùs Gladys Knight, Gregory Porter, Judith Hill, Marc Anthony i Seal ta presentá nan mes riba esenario di Curaçao North Sea Jazz 2024 na World Trade Center na Piscadera. Pa djasabra 31 di ougùstùs Eros Ramazzotti, Lizz Wright, Matteo Mancuso ta konfirmá. E organisashon ainda ta trahando duru ku diferente artista otro. Nan lo bira konosí durante e siguiente lunanan. Benta di entrada pa Curaçao North Sea Jazz 2024 Festival ta kuminsá dia 1 di aprel.
