ORANJESTAD – Ayera anochi Aruba a konosé un kaso tristu di asesinato. Tabata alrededor di 22:55 ku Sentral di Polis a keda notifiká di un ‘drive-by shooting’ na altura di ex United Dinner na Driemasterstraat. Un persona femenino mester ta benta abou i no ta duna señal di bida. Na yegada di polis a pidi ambulans mirando e situashon di e víktima. Pero na nan yegada na e sitio no por a hasi nada mas pa e dama. Pa 11:55 Dr Scholten a konstatá morto di Nayibe Isabel Herrera nasi 22 sèptèmber 1991 (31 aña) na Aruba
Departamento di reshèrshi, polis tékniko, slachtofferhulp i dokter forensiko a presentá na e sitio pa hasi e investigashonnan nesesario.
Na altura di Aruba Juniors a topa ku un Toyota Yaris para i ku lo ta enbolbí den e kaso aki. E outo a keda konfiská pa mas investigashon. Kuerpo Polisial ta pidi esnan ku a wak algu òf sa algu pa yama e liña di polis 11141.
