ORANJESTAD.-Informashon ofisial a kaba di drenta for di Kuerpo Polisial di Aruba ku e isla a registrá e di 13 morto den tráfiko. Polis ta indiká ku awe mainta 08:05 a tuma lugá un aksidente ku a tuma lugá na Kudawecha. Polis ku a yega na e sitio a pidi asistensia di bombero i ambulans pa yuda den e reskate na e sitio. E promé patruya a topa ku un hende hòmber den su pikòp ku no ta duna señal di bida mas.
Pa 08:55 dr. Texier a konstatá morto di Adan G. Urdaneta Contreras nase na Venezuela 7 di desèmber 1980. Spesialistanan di tráfiko ta analisando e kaso.
