ORANJESTAD.-Informashon di e momentu aki di polis di Aruba ta informa ku a bolbe detené un sospechoso mas relashoná ku e kaso di asesinato ku a tuma lugá dia 4 di desèmber último dilanti di Sandbar. Mester indiká ku e sospechoso ku e keda detené ta otro hóben di Aruba.
E informashon suministrá pa Kuerpo Polisial di Aruba ta mustra ku recherche di nort a detené e hòmbernan di inisialnan K.K.S.S. nase na Aruba di 17 aña di edat. Bou guia di fiskal, kompaña pa hues komisario a tene un entrada hudisial awe mardugá na un kas na Bushiri y aki a detené e di 3 sospechoso den e kaso di asesinato menshoná. Ayera a hasi detenshon di otro hóben den e kaso aki, ta trata di e hóben A.J.H.R DI 18 aña.
