WILLEMSTAD – Relashoná ku un kaso di asesinato ku a tuma lugá dia 29 sèptèmber 2022 den Pampanostraat den Mariepampoen, tim di kasonan di Homisidio, huntu ku tim di Aresto i UST, a hasi dos detenshon. Tabata awe marduga entre 05:12or i 05:30or di mainta a hasi detenshon di e dos hòmbernan sospechoso.
Ta trata di e hòmbernan, J.R.L., i E.R.L., ámbos nasé na Kòrsou di 21 aña di edat.
E detenshonnan a tuma lugá den área di Dominguito i Steenmijn. Despues a hasi tres entrada hudisial na e dos adrèsnan ariba menshoná i tambe na un adrès den Noord Zapateer.
A haña i konfiská un vehíkulo, arma di kandela ku vários minushon, telefòn i plaka kèsh.
A presentá ámbos sospechoso dilanti di un fiskal ouksiliar ku a ordená nan enkarselamentu pendiente di mas investigashon.
