Update: Peliger ku ta eksistí ku e kas ku a kima por basha den otro

944

WILLEMSTAD – Djárason 18 di novèmber 2020, alrededor di 04.36 or, Sentral di Polis a risibí informashon di un kas di dos (2) piso ku tabata na kandela den Bajonetstraat.

Mesora a dirigí un unidat polisial i brantwer na e sitio.

Na yegada di e unidat, el topa en berdat ku e kas di dos piso na kandela.

Personal di brantwer ku a presentá na e sitio a paga e kandela. Pero no por a evitá ku e kas a kima kompletamente.

Dos (2) persona ku ta habitá e kas a logra sali ileso.

A tuma medidanan di prekoushon mirando e peliger ku ta eksistí ku e kas por basha den otro.

Kousa di e kandela ta den investigashon.

 

Edifisio dekaí pero habitá kompletamente na kandela den Otrobanda

WILLEMSTAD – Awe den oranan di mardugá alrededor di 5or outoridatnan a risibí notifikashon di un edifisio na kandela den kaya grandi di Otrobanda. Mesora a saka bomberonan pa e sitio pa kuminsá ku e trabounan nesesario pa dominá e kandela aki. Ta trata di un edifisio dekaí pero ku kas aden di kual unu tabata habitá. E abitantenan a logra sali na tempu sin niun problema. Bosero polisial, Sr Zwerver a indiká si ku lamentablemente vários bestia a pèrdè nan bida pa motibu di e huma. Te awor aki bomberonan tin e kandela dominá pero no ku a paga esaki kompleto ainda. Ora ku risibí e informe ofisial lo publiká esaki pa lektornan di Extra. Den edishon di mayan lo tin relato kompleto i ku foto.

LAGA UN KOMENTARIO

Please enter your comment!
Please enter your name here