SIUDAT DI MEXICO, AP.- E eks promé dama mehikano Margarita Zavala a bisa djaweps ku e lo purba haña mas di 866.000 firma nesesario pa presentá komo kandidato independiente pa presidensia otro aña.
Zavala ta e kasa di eks presidente Felipe Calderon, kende a goberná di 2006 pa 2012. El a registrá su kandidatura formalmente i mester haña e firmanan den algu mas di mitar di e estadonan di e pais promé ku 12 di febrüari.
Zavala a bisa djaweps ku e kaminda lo ta difísil, pero ku e lo wòrdu pone “den man di e siudadanonan”.
E eks promé dama a renunsiá aña pasa di partido Akshon nashonal (PAN).
Por lo ménos binti persona a mustra interes pa postulá komo kandidato independiente. E elekshon mester tuma lugá promé di yüli di aña 2018.
