WILLEMSTAD – Awe for di den oranan tempran outoridatnan tabata riba pia pa ehekutá entrada hudisial relashoná ku kasonan di atrako. Tabata e unidatnan di Tim di Atrako huntu ku Tim di Aresto ku a kanta bingo den Kura Piedra pa ta mas spesífiko den Kaminda Oniks. A logra detené un hóben ku ta keda sospecha di atrako. A bai warda ku e sospechoso. Na e entrada hudisial aki tantu Wes Komisario komo fiskal tabata presente. Esaki ta un informe den desaroyo pues ora tin mas informashon lo sigui informá. Den Extra Journaal 9:30 am lo tin video di e entrada aki.
Polis ta konfirmá ku relashoná ku un kaso di atrako ku a tuma lugá dia 26 di febrüari 2023 den Skalo, polis a realisá un detenshon. Awe alrededor di 05.55’or, Tim di Aresto a hasi detenshon di e hòmber sospechoso A.W.F. di 17 aña nase na Kòrsou den Kura Piedra.
Despues di e detenshon aki, personal di e Tim di Atrako bou di guia di wes komisario a tene un entrada hudisial i a konfiská vários artíkulo importante pa e investigashon.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
){kind=link}