WILLEMSTAD – Aktualmente tin un video ta bai rònt riba medionan sosial i huntu ku esaki un teksto komo si fuera famianan di eks polis van Thijs ku a keda asesiná algun tempu pasa ta pidi hustisia pa nan yu i ta pidi malu pa e akusadonan. Famia nan ta desmentí ku e mensahe i e video ku ta bayendo rònt lo a sali for di seno di famia van Thijs. Nan no tin nada di aber ku esaki i ta di lamentá ku sierto personanan a usa nòmber di famia pa trese problema den dolor di famia. “Famia nan a hinka tur kos den man di Todopoderoso i e lo duna hustisia final na su debido tempu!” Famia van Thijs ta bolbe ripití ku niun momento nan komo famia no a pidi niun malu pa ningun akusado i ta pidi pa laga famia nan ku nan dolor na pas. “Sano huisio lo prevalesé!”
