HELSINKI, AP.- Polis na Finlandia a detené dos sospechoso mas en konekshon ku e atake siman pasá kaminda dos persona a muri i ocho a resultá heridá. Esaki a pasa den siudat suroksidental di Turku.
Outoridat a detené dos hòmber pa sospechoso di “preparashon di un delito ku intenshon terorista”, loke ta pone e kantidat di personanan detené den e kaso na seis. Djamars, korte regional a ordená pa e sospechoso prinsipal keda detené pa sospecho di delito terorista, inkluyendo dos kargo di asesinato i ocho di intento di asesinato. Tres supuesto kómplise tambe ta detené, sospechá di a yuda plania e atake. E sospechoso prinsipal ta un marokano di 18 aña i e kómplisenan posiblemente tambe ta marokano.
E sospechoso prinsipal, kende a atmití e hinkamentu djabièrnè, a ninga di a kometé asesinato. Investigadornan ta analisando un posibel vínkulo ku e atentadonan di siman pasa na Spaña. E superintindente di detektive Markus Laine a bisa na e kanal di televishon nashonal YLE djárason ku tin indikashon ku Muchkah a “radikalisá” pero no a duna detaye.
