PARIS, FRANSIA, AFP.- Outoridat franses a aprobá vakuna di AstraZeneca kontra COVID-19 pa tur esnan riba 65 aña di edat.
E desishon tabata similar na esun di outoridat suiso, pero e ta un reto pa Union Europeo mirando ku e bloke a aprobá e vakuna pa tur edat.
Presidente Emmanuel Macron a informá reporteronan algun dia pasá ku e vakuna “no ta efektivo pa esnan riba 65 aña”.
Kompará ku e vakunanan di Pfizer/BioNTech i Moderna, por warda esun di AstraZeneca den unidatnan normal di frishidèr. Sinembargo, e efikasia di e vakuna ta solamente 60%, kompará ku mas di 90% di e vakunanan introdusí anteriormente.
E Komishon di Union Europeo a bisa ku e empresa por garantisá solamente 25% di e 100 mion dósisnan akordá inisialmente, pero ofisialnan a bisa djadumingu ku esaki a subi na 40 mion dósis.