PORT-AU-PRINCE, HAITI, AP.- Míles di hóben haitiano a pasa aña 2019 riba kaya pa eksihí renunsia di presidente Jovenel Moise dor ku su gobièrnu no a logra enfrentá e añanan largu di korupshon den e pais.
Te ainda, e opositornan di Moise a frakasá.
E parlamento di Haiti a sera indefinidamente den yanüari debí na e káos, kual a eliminá e kontròl di poder presidensial ku a paralisá Moise durante vários aña largu. Djaweps a bira e promé luna ku e presidente a goberná via un dekreto.
Merka, nashon Uni i OEA a purba logra un akuerdo entre Moise i oposishon. Esaki lo resolvé e káos riba e isla ku a pasa dor di dos golpe di Estado, e intervenshon di Merka, un mishon di pas di Nashon Uní i un temblor devastador den e 34 añanan despues di e diktadura na Haiti.
