Karyl Bertrand, abogado

Karyl Bertrand a keda apuntá resientemente komo konsehero di iNTA i tambe presidente di e sup komishon riba tópikonan global.  Karyl Bertrand ta abogado, e promé porsierto den e milenio nobo aki.  Tin kasi 25 aña  komo abogado. E direktiva di INTA ta keda nombrá pa 2 aña i abogado Karyl Bertrand, kende ta dominá aspektonan di marka i propiedat intelektual, a keda aserká pa drenta den e komishon ku ta duna e presidente i CEO i restu dje direktiva konseho tokante tópikonan global ku ta afektá derechinan di propiedat intelektual, spesialmente den paisnan di Latino Amérika i Karibe.

25 aña abogado

Karyl a konta nos di Djasabra di unda e pashon pa lei a Sali. Ku un sonrisa el a splika ku inisialmente e kier  a hasi e parti di sifra esta register akountent meskos ku su tata pero wiskunde  a bira poko kompliká. El a pensa riba su tanta ku tabata abogado i el a mira i  eksperensia su tanta i el a haña lei un tema asina amplio ku por bai tur direkshon kuné. Karyl Bertrand a kore stazje serka Sulvaran & Peterson i na momentu ku el a kaba su estudio, el a drenta den servisio di bufete Winkel Soliana & Grul dia 1e di desèmber di 1999, pendiente su huramentashon ku a tuma lugá 4 di yanüari di 2000 komo e úniko ku a hasi esaki e dia ei. El a laborá na e bufete Winkel Soliana & Grul/ Soliana Bonapart & Aardenburg te 30 di novèmber 2013.Entrante 1 di desèmber 2013 el a lanta su propio bufete ku ta Bertrand Legal & IP Consultancy. Estando riba su mes el a sigui komo abogado i dosente pa e estudio di HBO “Legal Assistant” i a duna vários kurso pa kompania, asina dal stapnan importante. E tin afinidat riba propiedat intelektual ku ta tur kos ku ta kreashon di hende manera derechi di outor, derechi di marka i patènt i esei a kapta su atenshon. Siendo un músiko, Karyl a haña poko inhustu ku hende semper ta tuma i graba piesa di otro sin pèrmit i sin duna krédito  asina el a skohe pa sa mas di e tema ei i a skohe pa spesialisá den e parti di derechi di outor i derechi di marka. I banda di esaki e ta hasi tambe derechi laboral i derechi di promoshon.

Un poko di Karyl

E ta miembro di organisashonnan internashonal manera INTA (International Trademark Association), GALA (Global Advertising Lawyers Alliance), IPCA (Intellectual Property Caribbean Association) i ASIPI (Asosiación Interamericana de la Propiedad Intelectual). Siendo miembro di e Komishon Anti-Pirateria Latinoamerikano i Karibe di INTA el a keda asigná 4 aña  pasá pa dirigí un kongreso na Jamaica den kuadro di strategia pa kombatí pirateria di produkto den Karibe. E kongreso a konta ku partisipashon di entre otro kuerpo polisial, duana i fabrikantenan di Jamaica i huristanan di Jamaica, Merka i Repúblika Dominikana. Despues a sigui un seshon informativo na Kòrsou pa outoridatnan lokal. Tambe ta ku Karyl Bertrand a kombertí su mes den e promé abogado di Kòrsou ku a hiba un diskurso na e prestigioso Yale Club na New York den kongreso di GALA ku e tópiko Aspektonan Hurídiko di Lansamentu di Kampañanan Promoshonal Global. E presentashon aki ta forma parti di kursonan “online” post akadémiko pa abogadonan di Merka. Na 2018 Karyl Bertrand tabata panelista na e kongreso di Merkadeo i Promoshon di Karibe na Jamaica na kua vários kompania, organisashon i huristanan den region a partisipá.

Importansia di INTA pa Kòrsou

Siendo ku resientemente el a keda apuntá komo konsehero i tambe presidente di e sup komishon di INTA pa tópikonan global, Karyl a konta nos kiko INTA ta i kiko e ta nifiká pa Kòrsou. INTA ta para pa International Trademark Association ku ta un organisashon global ku ta konsistí di mas ku 35 mil miembro rònt mundu di vários pais. Mas di 180 pais ku ta nan miembronan ta hurista ku tin afinidat ku derechi di marka, kon por protehá bo marka logo di servisio i produkto. No solamente abogado pero tambe profesoranan di lei i huristanan ku ta traha na kompanianan ku tin nan marka, tin miembronan di institutonan gubernamental i di organisashonnan  ekonómiko,l duana ku ta hasi e parti di persiguí esnan ku violá derechi di marka. Di diferente organisashon ta miembro di dje, Esnan ku mas afinidat kue  área ei,k e konferensianan anual ta kasi 10 mil te asta mas i por bira ta e mihónan riba nan tereno i pais ku ta bin huntu,. Loke  e ta nifiká pa Kòrsou ta ku dor di esaki ti un registro di marka na Kòrsou ku kompanianan ku tin nan markanan mundialmente konosé i ta bende na Kòrsou ke protekshon. I asina nan at registrá nan marka na Korsou i siendo miembro di e organisashon aki bo ta forma netwerk i no solamente e trabou i e ekspertisio i rekursonan ku ta hasi uso di dje voral empresarionan ku ta bai pa eksportá nan produktonan. Por pone kontakto i subi merkadonan ku mas konosementu.

Registro di marka

Riba e preguntanan si aki na Kòrsou nos ta sufisientemente konsiente ku registro i protekshon di marka, Karyl a splika ku atraves di aña  e konsientisashon a bira mas tantu, Pero semper e por ta mihó. Hopi bia segun e abogado, bo ta haña ku ora un konflikto surgi, e ora ei e personanan ta pensa kiko por hasi pa protehá. Pero nan ta ser aserka pa empresanan i personanan ku ta bai inisiá kolaborashon huntu i trese produkto riba merkado i ke sa kiko nan tin di tene kuenta kuné. For di momentu ku nan ta kuminsá nan ta atendé e diferente puntonan ku ta te na registrashon i tene bibu. Ta importante pa ora registrá no ora hasi ta kla. Mester us’e pasobra si no us’e pa 5 aña  bo por pèrdè e marka. P’esei e ta un derechi eksklusivo di uso pa loke e empresa ta ofresé.

Registrashon ta basta fásil

Registrashon di marka por ta basta fásil. Sra Bertrand a splika ku e por tin su parti un poko kompliká dor ku mester spesifiká pa kiko ta bai protehá e marka/produkto. Tin vários kategoria pero banda di identifiká kategoria mester deskribí e kategoria. Tin un kategoria por ehèmpel di paña i por bisa si ta flanèl, t-shirt, saya, buts ets ets. E ta relativamente fásil i awendia por haña nan online via di e portal online di propiedat intelektual di Korsou. I si tur kos ta OK den 2 luna e sertifikado ta Sali i asina bo tin e sertifikado di protekshon.

Ora di eksportá ta bon pa registrá produkto

Na momentu ku ta registrá un mara segun Karyl, no ta buska pa wak afó pero ta wak solamente pa Kòrsou si e ta eksistí kaba. E ta un derechi teritorial.Kada pais tin nan sistema di otorgá protekshon. Pero otro ta si e persona ke bende  e produkto otro kaminda i mester wak si e marka ta eksistí einan kaba. I kisas den e otro pais e ta konta di protekshon i den e otro pais e por prohibí e produkto ei. I p’esei ora di eksportá ta bon pa registrá pero hasi un sondeo promé pa wak si e marka ta eksistí kaba. Na momentu ku ta bai hasi e sondeo den eksterior, Karyl a splika ku an tin koleganan rònt mundu i nan konosé personalmente i no mester bai buska .I ta djis un kuestion di informá e kliente i ku ke wak si nan tin e marka registrá i nan ta bin bek ku e resultado. I meskos ku ta hasi na Colombia, Sürnam, Benelux i asta paisnan mas leu manera India ku ta dependé di e empresario na Korsou unda e ke bende su produkto pa identifiká e paisnan ei pa e hasi e sondeo i bai na registrashon di e marka.

Kada outor tin di duna balor na su piesa i registr’é

Karyl Bertrand ta pianista tambe, banda di e trabou ku e tin komo abogado. El a hasi su estudio di piano na CCC serka sra Croes i a hasi teoria di músika serka Edsel Provence i toka mas tantu músika antiano manera wals mazurka i a toke den vários konsierto. I p’esei komo músiko e ta konsiente tambe di derechi protekshon di outor. El a bisa Djasabra ku ta promé lugá ta e outor tin di Sali padilanti i niun hende por protehá algu ku no ta di dje. E sa e esfuerso ku el a hasi pa yega na e komposishon. Ora ta den práktika tin sierto merkado no ta asina rekonosé \i komo nos ta un sosiedat chiki i tur hende konosé tur hende ta pensa ku no ta nada i ta fabor ta hasi pa toka un piesa. Pero ta lubidá ku ta e persona ta disidí ken e ta duna outorisashon pa toka su piesa, pa pas’e riba diferente plataforma.Loke el a eksperensia den su karera ta ku e rèspèt inisialmente4 no ta asina tantu ántes pero awor ta birando mihó.No ta solamente Kòrsou pero ta un problema den Karibe ounke afó un tiki ménos pasobra eifó tin e  Copyrights Society ku e outornan ta registrá na dje. I nan ta wak e derechi di outor , unda e piesa ta keda toka u unda tin di kobra.

Evitá malkomprondementu i rabiamentu

I kiko tin di hasi pa konsientisá e parti di registrashon aki. Karyl ta haña ku e konsientisashon tei di parti di músiko, pero ta e siguiente kurashi pa dal e paso ta e kos. Hopi bia ta wak ku komo ta un komunidat chikitu i e mundu di músika ta mas chiki ainda i tur hende konosé otro i ora reklamá nan ta tuma bu na malu. Ta di tur dos banda mester wak. Tin músiko ku a para pa nan derechi pasobra ta algu prinsipal pa nan. E ta tambe pa esnan ku a sigui poesia ku a bai te korte.  Ta einan tin di start kisas un diálogo òf laga wes dikta den korte pa mira kon ta bai sigui. Mester bin un diálogo pasobra e persona a hinka tempu i energia den dje pero e mester di e otro banda pa promové e kantika. Mester yega na un situashon di win win. Resientemente tabatin un kaso denkorte4 i segun Karyl den prinsipio el a representá un di e partidonan pero dor di kompromiso ku e tin ku e ‘global advisor’ e no por a atendé e kaso pasobra e ta eksihí tempu. E ta un kaso resien i interesante ku ta pone respetá e derechi di outor i mester ta algu ku mester yega na dje promé ku yega studio di grabashon. Mester pone palabrashonnan ounke konosé i ta bon ku otro. I asina ta evitá hopi malkomprondementu ku ta evitá envolvimentu di abogado i te bai korte.

Algun dia reunion di INTA na Kòrsou

INTA komo organisashon global tin diferente reunion ta tuma lugá. Te ainda no tin niun a tuma lugá na Kòrsou. Karyl Bertrand komo konsehero i presidente di e sup komishon di asuntunan global riba temanan di derechinan di propiedat intelektual a bisa nos ku  kada reunion ta konta ku riba 10 mil persona. Ta algu hopi grandi. Esnan mas chiki mes ta un 3 pa 4 mil persona pero e ta algu ku e mes ta papiando pa mira kon por hasi algu pa yega Korsou. Nan ta vigilá desaroyonan den region i e parti di Kòrsou ta interesante i tin atenshon pone den e organisashon. Den e próksimo temporada lo bai tin algu ku lo por konta kuné aki.

(Den nos edishon di otro siman nos lo sigui ku e parti di derechi i lei di propaganda i kontrakt)