WILLEMSTAD.- Dia 9 di desèmber próksimo Canario i Buena Vista Social Club (i mas) aki na Kòrsou. Esaki lo ta en konekshon ku e selebrashon di 20 aña di eksistensia di “Los Compadres de Curaçao”.
E aña aki nos tabatin diferente agrupashon i kantante grandi di salsa di bishita aki na Kòrsou. Den e lista aki tabata falta Jose Alberto el “Canario”. Nos ta ban sera e aña salsero aki ku un bòm.
Dia 9 di desèmber el Canario aya na “HATO – Curaçao Airport Venue” den un tremendo “Show-Bailabel”.
Ta konosí ku “el Canario” tin hopi fanátiko aki na Kòrsou. Su presentashonnan aki na Kòrsou semper ta un yeno kompletu. E biaha aki sigur lo no ta diferente. Ta spera un públiko grandi aya na HATO.
Si Canario ta puro salsa, … pa e amantenan di son Cubano lo ta bai tin Buena Vista Social Club (i mas) Buena Vista lo trese e son Cubano den su forma original pa e real amantenan di son.
Tur esaki ta en konekshon ku e selebrashon di 20 aña di eksistensia di Los Compadres de Curaçao.
Los Compadres a kuminsá 20 aña pasá komo un agrupashon di puro son Cubano i son di Kòrsou.
E tempu ei komo septeto, usando e tres kubano, solamente un trompèt i sin piano.
Awendia Los Compadres ya ta un banda di salsa i son rekonosé aki na Kòrsou i tambe pafó di Kòrsou. Los Compadres naturalmente tambe lo tin su presentashon ya konosí pa e amantenan di salsa
Ke men Canario ku salsa, Buena Vista ku son i Compadres ku salsa i son.
Tras di e show-bailabel aki tin e grupo ku ya a proba ku nan ta garantia pa kalidat ku ta Manchi Harms i e rumannan Sintjago.
E show ta kuminsá 8.30 or i ta kaba 1.30 or (…. òf mas lat dependé di “el Canario” i e públiko)
Karchinan ya ta na benta.
 … na Kòrsou){kind=link}