BRUSELAS, BÈLGIKA, AFP.- Un kampaña di fondo online, impulsa pa Bruselas, a rekoudá 7.400 mion euro pa finansiá e desaroyo di un vakuna kontra e coronavirus nobo, apesar ku Washington a rechasá di partisipá den e inisiativa.
E presidente di Komishon Europeo, Ursula von der Leyen a anunsiá ku e estrea di pòp Madonna a kontribuí ku un mion dòler pa e kampaña, kual su ophetivo tabata pa rekoudá 7.500 mion euro.
E kampaña a kuminsá 3or di atardi ku e anunsio di 1.000 mion euro di parti Komishon Europeo, kual a organisá e inisiativa. Fransia i Alemania a sigui despues di esaki kontribuyendo ku 500 i 525 mion euro.
Organisashon Mundial di Salú a afirmá despues di e anunsio di Von der Leyen.
Ku e kampaña ta ilustrá un muestra “poderoso” di “solidaridat mundial”. Un vakuna ta “pa nos e mihó oportunidat kolektivo pa vense e vírus”, segun indikashon di e presidente di Komishon Europeo.
E pandemia a infektá 3,5 mion persona di kual 1,5 mion ta di Europa i matando kasi 250.000 víktima, segun un konteo realisá pa AFP.
