GEORGETOWN, GUYANA, AFP.- Por lo ménos 19 hóben a muri den un kandela den un kamber di alumnonan na Guyana, segun indikashon di outoridatnan djaluna.
Ainda no a determiná kon e kandela a kuminsá djadumingu den e kamber kaminda muchanan muhé di 11-12 i 16-17 aña tabata kedando, segun indikashon di un persona ku a yuda servisionan di emergensia i ku a pidi pa keda anónimo.
E edifisio a wòrdu destruí pa e kandela.
“Dieskuater hóben a muri na e sitio, miéntras ku sinku mucha a muri den hospital den distrito di Mahdia”, segun e departamento di bombero den un komunikado.
E gobièrnu a bisa anteriormente ku 20 persona a muri den e kandela na Skol Sekundario Mahdia den sentro di Guyana.
Guyana, kual tin un pueblo di 800.000 habitante ta e úniko pais ku ta papia ingles den Suramérika. E pais ta un eks kolonia ulandes i britániko ku resientemente a deskubrí ku e tin un di e reservanan di petroli di mas grandi na mundu.
Despues di e tragedia di fin di siman, mas ku dies mucha a haña tratamentu den un hospital lokal, miéntras ku seis kaso grave a wòrdu transportá den avion pa Georgetown.
