WASHINGTON, AP.- Kas Blanku a purba di pone importansia na indikashonnan ku e eks hefe di kampaña di Donald Trump, Paul Manafort, a traha klandestinamente pa un magnate ruso, indikando ku e tareanan a wòrdu realisá “un dékada atras”.
E sekretario di prensa di Kas Blanku, Sean Spicer, a indiká ku nada di e informashon, publiká pa The Associated Press, ta hasi referensia na akshon di e presidente òf di su ekipo di gobièrnu.
El a agregá ku Trump no tabatin idea di e klientenan ku Manafort tabatin den pasado i “ku no tin indikashon” ku Manafort a hasi algu inapropiá.
Ademas, Spicer a komentá ku e demókrata Hillary Clinton tambe tabatin anekso ku Rusia. El a bisa ku esun ku tabata direktor di Clinton su kampaña, John Podesta, tabata miembro di e hunta direktiva di un kompania di energia ku sede na Rusia i ku Hillary Clinton tabata “e kara polítiko frakasá pa Rusia”.
AP a investigá i a determiná ku Manafort a traha den sekreto pa un mionario ruso den defensa di e interes di Kremlin un dékada atras. Ademas, el a proponé un plan stratégiko ambisioso pa debilitá oposishon antiruso den republikanonan soviétiko antiguo.
