Kaso ku a mara i benta hòmber na laman #1 mas lesá
WILLEMSTAD – Yegando práktikamente na final di 2023 EXTRA bo korant number unu ta tira un bista bèk kua ta e notisianan ku riba nos plataforma digital a hasi mas impakto. Awendia e gran mayoria di siudadano, sin importá edat, sekso, religion ni klase sosial tin un telefòn selular pa medio di kua nan por keda na altura konstantemente di tur loke ta pasa den mundu. Durante 2023 mas ku 27 mion ‘views’ e website di Extra, www.extra.cw a registrá. Kasi 1 mion di persona rònt mundu a subi e website di Extra durante 2023. Sifranan ku ta pone e plataforma digital prinsipal di Extra den Top 10 websitenan di Kòrsou.
Entre e notisianan ku mas a kapta atenshon riba e plataforma digital di EXTRA por mira e artíkulo ku ta trata hòmber ku a keda tortura pa despues bent’e na laman, pero tambe aksidente den kua koriente a dal un hóben riba Wilhelminaplein. E kobertura tur afó ku EXTRA ta duna pa kasonan di korte tambe ta gosa di atenshon maksimo riba e plataforma digital meskos ku den korant. Na otro banda e fayesimentu di kolega i kolumnista Mirco Colina tambe ta entre esnan ku mas hende a lesa riba e plataforma digital.
Aparte di e korant EXTRA ku por tene den man i lesa tur dia, EXTRA Productions NV ta responsabel tambe pa e website www.extra.cw, Extra su App, EXTRA Facebook page, EXTRA YouTube, EXTRA Instagram, EXTRA Twitter(X), EXTRA Whatsapp chanel, EXTRA Tik Tok i EXTRA LinkedIn. Pues un sin fin di opshon pa sirbi e deseo i nesesidat di hóben te esun di mas edat. Korda like i follow pa bo por keda na altura di tur desaroyo importante tantu lokal komo internashonal. Loke sigur no ta kambia niun momentu ta EXTRA su kompromiso pa trese notisia ku bo por konfia! Korda suskribí/bira miembro.
Tantu artíkulo komo ‘stories’, entrevistanan ku EXTRA ta realisá riba temanan di interes ku ta gosa di hopi atenshon. E kaso di tortura di e hòmber, den kua a mara su man i pianan pa despues tir’e na laman ta e number unu, sigui pa e atenshon pa e artíkulo ku a deskribí kolumnista Mirco Colina ku a fayesé resientemente. Notabel tambe ta e dokumental hulandes ku EXTRA a traha riba Vernon Rombley den kua e ta insistí ku e ta inosente. E artíkulo riba e kaso di Boechi kaminda un di e sospechosonan a bisa ‘si mi tabata sa ku ta bai tira Boechi, lo mi no a buska niun hende’ tambe ta haltu riba e lista di artíkulonan mas lesá riba e plataforma digital di EXTRA. Tambe kaso di pitbull ku a morde peaton a haña masha hopi atenshon i meskos e kaso di hóben ku a yega kas i konta su mama ku el a kaba di hinka un persona òf e artíkulo ku ta deskribí ‘mishon di Joe Black riba e mundu aki ta kumplí” i asina por menshoná vários mas.
Un di e páginanan ku tur dia di nobo ta keda hala hopi atenshon ta e página di morto. E página di morto riba website www.extra.cw ta liber aksesibel tur dia i tur momentu pa tur esnan ku keda na altura ken a muri i ki dia di dera. Riba e website por hasi pedido pa flor tambe i esei ta kanando sublime, hopi hende ta logra manda flor sea den kaso di entiero. Avisonan di findishi ta haña atenshon spesial i tambe e rúbrika vakatura ku ta publiká tur vakatura pa asina esnan ku ta buskando trabou òf ke kambia di trabou.
Plataforma digital di EXTRA, tei pa trese tur informashon balioso i konfiabel tantu pa nos hendenan lokal i unda ku bo por ta na mundu.
