WILLEMSTAD.- Den kuminsamentu di siman ora ku e kampionato Latino Amerikano su promé weganan tabata tras di lomba, e speransa pa un final entre e dos selekshonnan di Kòrsou no tabata masha haltu. No opstante esaki tantu Liga Pariba i tambe Liga Pabou a batayá i a yega semi final di e torneo. Ayera nochi públiko grandi tabata presente na Tio Daou Ballpark. Esaki despues ku minister van Heydoorn a anunsiá ku weganan di djabièrnè i djasabra lo ta pòrnada. No tabatin lugá pa pone mas hende te ku mester a sera porta un ratu. Ku otro palabra pa tur ku kier wak wega awe, yega trempan pa por wak e klásiko entre Liga Pariba i Liga Pabou.
