Jurickson Profar (San Diego Padres) a bai di 4-1 ayera i Padres ta pèrdè i asina ta keda eliminá. Phillies ta gana e seri aki 4-1 i ta bai representá Liga Nashonal den serie Mundial. Profar sigur no tabatin un mal post-temporada kabando ku un averahe di .250 produkto di 11 hit den 44 turno na bate ku un honron. Lokual e lo keda rekordá riba dje den seri fin al di Liga Nashonal aki ta su reakshon despues ku umpire a kanta un ponche ora ku segun Profar el a wanta su swing. El a rabia i su reakshon a haña publisidat nashonal na Merka
Hensley Meulens (New York Yankees) a pèrdè e seri kontra di Houston Astros 4-0 i ta keda eliminá for di post-temporada
Kenley Jansen (Atlanta Braves) temporada a finalisá
Ozhaino Albies (Atlanta Braves) temporada a finalisá
Xander Bogaerts (Boston Red Sox) temporada a finalisá
Jonathan Schoop (Detroit Tigers) temporada a finalisá
Chadwick Tromp (Atlanta Braves) temporada a finalisá
Didi Gregorius (Philadelphia Phillies) temporada a finalisá
Andrelton Simmons (Chicago Cubs/Marchena Braves) e temporada aki a kumpli 10 aña di servisio den Liga Grandi. For di prinsipio di temporada Simmons a leshoná i esaki a persiguí e shortstop yu di Kòrsou i djei no a kue su forma mas. Na ougùstùs e organisashon di Chicago Cubs a disidí pa kòrta nan laso ku e pelotero i asina Simmons en prinsipio a bira un agente liber. El a opta pa sinta sobra di temporada afó pa asina sosegá e leshon na su skouder. Na sèptèmber el a opta tòg pa hunga ku e ekipo lokal Marchena Braves den beisbòl Doble A. Simmons su sifranan tabata hopi limitá den 2022 mirando ku e no a mira muchu akshon. Kumpliendo 10 aña di servisio ta importante ya ku asina su penshun kompleto di Liga Grandi ta sigurá. Sifranan final:
G: 35; AB: 75; R: 8; H: 13; 2B: 1; 3B: 0; HR:0; RBI: 7; BB: 7; SO: 13; SB: 4; AVG: .173
Play of the Day
