ATLANTA.- Ozhaino Albies ayera a bai di 4-1 ku un kareda anotá i un kareda empuhá. E hit di dje tabata su di 31 honron di temporada. Ozhaino su promedio a keda 267 i e tin 31 honron i 98 kareda empuhá. E falta únikamente 2 kareda empuhá mas, pa asina logra su di dos temporada di 30 honron òf mas huntu ku 100 kareda empuhá òf mas.
Xander Bogaerts (San Diego Padres)
Xander ta simplemente den un tremendo ritmo. Ayera e orguyo di Aruba tabata di 4-3 ku 3 kareda anotá te na momentu ku mester a bai imprimí.
Ceddanne Rafaela (Boston Red Sox)
Ceddanne ayera su bate tabata ketu. El a bai di 4-0 pa Red Sox. Su promedio awor ta 296 ku tambe 2 honron i 3 kareda empuhá.
