NASHON UNI, AP.- E lidernan mundial ku a reuní na Nashon Uní desde djaluna lo purba avansá riba dos tema ku ainda no por wòrdu solushoná riba e agènda mundial. Esaki ta e krísis mas grandi di refugiadonan desde Segundo guera Mundial i e konflikto na Siria ku ya tin seis aña andando.
E konflikto aki a kobra bida di mas di 300.000 persona.
“No ta un sekreto ku mundu ta yená ku miedu”, segun embahador merikano Samantha Power a bisa na prensa djaweps.
Sinembargo na Siria tin un tregua negoshá pa Moscow i Washington ku a drenta na vigor djaluna último. Un atake aéreo di forsanan merikano a bombardiá trupanan sirio aksidentalmente miéntras tabata realisando un redada kontra Grupo Estado Islámiko.
Konseho di Seguridat di Nashon Uní a programa un reunion di emergensia privá djasabra anochi riba petishon di Rusia pa asina debatí e bombardeo aki.
Anteriormente, Konseho di Seguridat a plania un reunion pa papia tokante Siria djárason. Rusia a boga pa kreashon di un pakto pa respaldá e tregua i presentá un plan pa futuro. Merka a ninga di publiká detayenan di e akuerdo di tregua bou di argumento di “seguridat operashonal”. E embahador ruso pa Nashon Uní, Vitaly Churkin, a bisa ku Merka no tabata koperativo i ku probablemente no “ta bai yega na un akuerdo”.
Home Mundu Internashonal LIDERNAN A PARTISIPA NA KONFERENSHA DI NASHON UNI PA FOCUS RIBA REFUGIADONAN...
