WILLEMSTAD.- Pa di tantísimo bia polis mester a bai e playa na Cas Abou pa otro kaso di kiebro i ladronisia.
Esnan ku ta manehá e playa a yega ayera i haña ku malechornan a drenta ku “slijptol” kòrta algun kandal basta kostoso ku a keda pon’é pa evitá ku mas kiebro lo a tuma lugá.
E malechornan a kibra kandal di e depósito, kaminda tin e karga seku manera e ta keda yamá kual ta enserá entre otro kèchup, mayonès i algun kos di kome i otro produktonan.
A tuma nota tambe ku e malechornan a bai na e bar, kaminda aki tambe nan a piki tur kos bai kuné.
Polis a mira ku nan a bai ku entre otro palèt di limonada i hopi otro kos mas. E malechornan a kibra sigur 3 kámara di seguridat pa asina nan haña chèns di kometé nan akto.
Polis ta kontinuá ku e investigashon.
E palabra “ malechornan“ ta zona manera ora un mucha chiki hasi algu no muchu malu.
Hende of mucha ku ta hadi tantu destrukshón no ta malhechor pero delinkuente!