WILLEMSTAD.- Kompará ku aña pasa, Marcha Kultural a bolbe krese loke ta indikativo ku esun ku perseverá lo logra.
E evento organisá pa Shurendi Pieternella i su tim ta birando mas grandi na partisipante pa e marcha i no mester papia mes dje eksploshon kultural ku ta atraé su bon públiko, tin bon ambiente i ta hopi animá.
Promé ku e ‘Marcha Kultural’ a kuminsá e organisashon a rindi homenahe na kuater baluarte, Sra. Ingrid Polonius, Sra. Joyceline Dometilia, Sr. Reinier Lijfrock i Sr. Ludgene Balentien pa nan aporte na Kultura di Kòrsou. Nan kada un a risibí un plakat di rekonosementu.
