Mayan polis ta kuminsá kontrolá vehíkulonan pa impuesto paga

WILLEMSTAD – Kuerpo polisial ta informá ku entrante mayan lo inisiá ku e kòntròlnan riba vehíkulo motorisá ku no tin impuesto di mitar di aña 2023 paga. Kuerpo Polisial Kòrsou konhuntamente ku Ministerio Públiko entrante 1 di aprel 2023 lo kuminsá ku kòntròl aki na diferente sitio i di forma inesperá. Esaki lo konta pa tur vehíkulo motorisá ku no tin impuesto pagá di mitar di aña 2023 i ku ta trafiká riba kayanan di Kòrsou. Den un kaso resien den Korte, un persona a keda kondena na 225 florin di but komo ku e no a paga si impuesto di outo.