WILLEMSTAD – Den oranan di awe mainta Rowil i Dijktransport a hasi un entrega ofisial di un mega bui ku mester keda instalá den bahia di Bullenbaai. E dos empresanan aki tabatin e enkargo di harma e bui grandi aki. Esaki a keda kla awe i CPA a haña e bui pa nan kuminsá ku e proseso pa transportá esaki via laman. E bui aki di 7 meter di largura i algu mas ku 6 meter di altura lo haña su lugá fiho na COT. E bui lo sirbi pa barkunan grandi ku ta yega na COT por mara na esaki.
