WASHINGTON, MERKA, AFP.- China mester honra su kompromisonan di kompra di produktonan merikano segun un akuerdo firma den yanüari ta establesé, segun indikashon di e sekretario di Finansa Steven Mnuchin, kende a atvertí Beijing ku “konsekuensianan importante” si no respetá nos.
E akuerdo a wòrdu negoshá durante un periodo largu. El a wòrdu firma pa e presidente chines Xi Jinping i e presidente merikano Donald Trump, pues “mi tin tur motibu pa pensa ku e chinesnan lo honra e akuerdo aki”, asina Mnuchin a agregá.
E akuerdo komersial a wòrdu firma den yanüari, despues di dos aña di guera komersial entre e dos paisnan. E akuerdo ta establesé ku China mester kumpra 200.000 mion dòler di produkto merikano adishonal di loke mester a wòrdu atkerí durante e próksimo dos añanan.
E intenshon di Washington ta pa trese balanse komersial entre e dos paisnan, kual a kousa un défisit amplio pa Merka.
