SEATTLE, AP.- Investigadónan di Merka a analisá e promé vakuna eksperimental kontra Coronavirus djaluna.
Kuater voluntario saludabel a wòrdu inyektá, inisiando e promé fase di un estudio pa un posibel vakuna pa e enfermedat COVID-19 desaroyá den un tempu rèkòrt. E vírus a kuminsá sirkulá na China na fin di 2019 i despues a ekstendé pa sobrá parti di mundu.
E “hit” di djaluna ta marka solamente inisio di un serie di estudio den personanan nesesario pa demostrá si e vakunanan ta safe i ku nan por funshoná. Si e investigashon resultá eksitoso, e vakuna lo ta disponibel dentro di 12 òf 18 luna pa wòrdu usá, segun indikashon di dòkter Anthony Fauci di Instituto Nashonal di Salú di Merka (NIH).
Esaki no ta e úniko vakuna den desaroyo. Diferente grupo di investigashon rònt mundu ta purbando di krea un vakuna kontra COVID-19.
