WASHINGTON, MERKA, AFP.- Merka a anunsiá djamars ku lo yuda Cuba ku “dos mion dòler” despues di orkan Ian, via di su agensia pa desaroyo internashonal, un inisiativa ku La Habana a gradisí.
Ta trata di “yudansa humanitario krítiko” pa e pueblo kubano ku lo yega di Agensia di Merka pa Desaroyo Internashonal i di “sosionan internashonal di konfiansa” ku ta traha direktamente ku e kubanonan afektá, segun un komunikado di Ned Price, bosero di departamento i Estado.
El a añadí ku Washington lo traha ku “organisashonnan independiente di konfiansa” i ku ta evaluando petishonnan di organisashonnan manera Federashon Internashonal di Krus Kora pa brinda e asistensia aki.
E gobièrnu kubano a reakshoná yamando Washington danki.
Despues ku Ian a pasa na fin di sèptèmber, e orkan a laga dos morto, un blackout general i dañonan grave na kasnan i retnan eléktriko di e isla.
Despues ku Biden a bira presidente na 2021, el a primintí ku e lo revisá e polítika kontra Cuba. E presidente a anunsiá den mei último ku lo kita algun restrikshon ku Eks presidente Donald Trump a introdusí, pa fasilitá prosedimentunan di inmigrashon, transferensianan di sèn i buelonan.
