…E mihó opshon pa un adikto na sigaria ta stòp di huma. Pero si e no por hasi esaki e tin di bai pa alternativanan di sigaria ku ta mihó pa salu. Ta trata di alternativanan ku ta keinta e tabako i ku tòg ta duna e mesun sensashon di huma un sigaria. Dòkter Ali Ayubi ta presidente departamento di adikshon, komportashon i sosial di Caribbean Medical University, profesor den Farmasologia i alabes e ta spesialisá den e komportashon di un adikto.
Posishon pa ku alternativa liber di huma
Si nos ta tene kuenta den un sigaria tin mas òf ménos 6 mil diferente supstansia i e supstansianan ei ta den e huma di e sigaria. Pero si por tin un produkto ku no tin huma, òf e huma ta hopi redusí, tin chèns grandi pa hopi di e supstansianan ei no ta bai den e pulmon di e persona. Produktonan ku ta kalentá e tabako segun dòkter Ayubi ta un mihó opshon pa humadónan. IQOS tin bentaha ku e ta keinta e tabako na lugá di kima e tabako. I solamente ora bo ta kima tabako esaki ta kima asta e papel di e sigaria, i e papel ei ta mesklá ku supstansia ku ta hasi ku e ta konsumí tur kompleto sin nesesidat di hala e sigaria. Si ta bai usa un produkto liber di huma, un produkto ku ta keinta e tabako na lugá di kima e tabako ta hopi supstansia no ta bai ta den e huma òf e tiki huma ku e sigaria por tin. Ademas di esei e kantidat di supstansia ku por aparesé ta un porsentahe sumamente abou.
Difísil
Dòkter a bisa ku e sistema di kalentá ta ménos dañino ounke e tin su rísikonan pero muchu ménos. E mihó kaso ta pa no huma ètòl pero tin hende ku dependé for di ki tempu nan a kuminsá huma, spesialmente si a kuminsá yòn ta masha difísil pa laga e sigaria. I IQOS ta un bon oportunidat i alternativa pa por disminuí e kantidat di supstansia dañino den kurpa kompará ku ora ta kima e tabako.
Nikotina ta adiktivo
E produktonan aki segun dòkter Ayubi no ta hasi e humadó ménos adiktivo. E problema ta ku e supstansia nikotina ku ta esun mas konosí, praktikamente ta e adikshon. Loke ta pone ku e persona no ta stòp di huma ta e presensia di nikotina. E persona ta kustumbrá ku nikotina i ora nikotina baha den nan kurpa, nan mester huma atrobe. I p’esei ta masha difísil pero no imposibel pa stòp di huma. Ku e alternativa di IQOS e persona ta sigui risibí nikotina, nan ta sinti e plaser ku e nikotina ta duna i e ta duna un sensashon di plaser mas grandi ku loke ta normalmente plasentero pa nos tur. Pero si bai stòp e bo ta sinti algun señal i síntoma ku ta hopi desagradabel i pa kita esei mester huma atrobe.Den kaso di e produktonan alternativo, e ta redusí e huma sin kita e sensashon di plaser. Pa dòkter e no ta bon pero e ta un alternativa pa e persona ku ta huma. E no ta pa un persona ku no ta huma pasobra esei no tin nesesidat ni pa sigaria ni pa IQOS.
E rísiko semper tei
Den investigashon ku FDA a hasi resientemente nan ta papia di alternativa pa e personanan ku ta huma i no pa esun ku no ta huma. Esaki pasobra tòg semper tin rísiko den tur e supstansianan ounke nan ta ménos dañino i den ménos kantidat. Pero semper e rísiko tei. FDA a aprob’é pasobra ta haña ménos supstansia kímiko ku esun den sigaria. I p’esei e título di eksposishon redusí ku FDA a dun’é. E ta nifiká ku tin si, pero hopi ménos.
Redukshon di eksposishon
Ku redukshon di outorisashon di eksposishon dòkter Ayubi a splika ku esei ta por ehèmpel tempu por a huma tur kaminda, den fiesta, diskotèk ta huma so ta wak. I ora tin opshon liber di huma i ku ya den hopi lugá no ta permití pa huma i ni sikiera ta permití pa huma den lugá habri. Ademas di e prohibishonnan e personanan no por huma i mester buska un lugá pa bai huma. E alternativa aki sin huma tampoko ta permití pa nan us’e den lugá públiko pero nan por bai otro lugá i loke nan ta bai eksponé e sobra hendenan rònt di dje no ta un huma asina tantu tóksiko manera e sigaria normal. Idea ta redusí e rísiko. I p’esei den pasado hopi bia por tende ku esun ku no ta huma pero ta para banda di esun ku si ta huma ta haña mas huma ku e humadó mes. Esei nos ta yama e humadó pasivo segun dòkter Ayubi. Awor aki e ta ménos dañino ounke no kompleto.
IQOS te mihó opshon
Den e alternativa ku IQOS tin ku ta kalentá e tabako dòkter Ayubi a bisa ku e ta mihó asta ku otro alternativa, teniendo na kuenta su komposishon. Hopi tin nikotina i otro supstansianan i tin ta introdusí un vapor kayente den bo pulmon ku e mesun kalor ku ta bai hasi otro tipo di daño.
Nikotina ta hasi daño
Nikotina ta hasi daño pasobra e ta mantené e adikshon i ora e persona ta bai huma atrobe, tur e otro supstansianan tei. I p’esei a traha na redusí e otro supstansianan i nikotina ta aden. I esei ta e prueba ku FDA a duna pa 4 aña. I awor mester wak si loke tin den IQOS ta produsí mesun daño òf no. E teoria ta ku e mester ta ménos dañino pero awor esei ta na prueba segun dòkter Ayubi.
Adikshon
Komo eksperto riba e tereno di adikshon dòkter Ayubi a bisa ku tur adikshon ta praktikamente meskos. Tur ta difísil pa stòp. E diferensia ku sigaria tin pa loke ta un otro supstansia, kisas droga, ta ku un persona ta eksponé na huma di sigaria òf na nikotina (e supstansia adiktivo) hopi bia pa dia. Kisas 20 te 40 bia pa dia, miéntras un persona ku ta usa kokaina ta usa dos bia kisas pa dia. E problema ta ku miéntras mas potente e supstansia adiktivo ta, e ta dura ménos . I e nikotina ta hopi potente i un persona ku ta huma despues di 5 minüt ya e ke sende otro sigaria, esei ta e adikshon di nikotina.
Stòp di huma
Komo dòkter Ayubi a bisa ku su promé rekomendashon ta pa stòp di huma i hasi tur e téknikanan ku tin pa stòp di huma pero si despues di tempu e persona demostrá ku e no por sin huma, e ora ei e komo dòkter por papia di un alternativa i den e kaso aki IQOS ku ta duna e nikotina pero ménos eksposishon di e supstansianan dañino.
Humadónan
Pa loke ta e kantidat di humadónan na Kòrsou i Aruba enpartikular, dòkter Ayubi a bisa ku e poblashon di humadónan na e islanan aki ta basta grandi. E idea di subi preis di sigaria ta pa konsumí ménos. Pero si ta bai haña alternativa ku por trese e sigaria di kontrabanda ta algu ku semper ta keda i e lo fomentá e personanan pa buska e sigaria mas barata. Ounke e ta mas dañino ku esun ku ta haña aki den un tienda di forma legal. Usa e produktonan di kontrabanda ta peligroso pasobra bo no sa kiko e tin aden. Dòkter Ayubi a bisa ku ta proba ku e hende ku tin e nesesidat di usa e nikotina nan lo keda sin kome pa tòg haña e supstansia ei, i esei por mira den otro supstansianan ku e hende asta ta bira flaku i bira deskuidá pasobra nan ta preferá usa nan supstansia ku kome i baña. I einan por mira kon grandi e problema ta.
Kwantu dokter Ayubi ta kobra of kwantu IQOS ta paga?