WILLEMSTAD.- Djamars 21 di novèmber, Ministerio di SOAW a risibí e grato notisia ku SVB a entregá un petishon pa risibí un adelanto for di e debe ku Pais Kòrsou tin ku SVB, pa asina garantisá e pago di bónus di Pasku pa e penshonadonan, huntu ku nan sèn di luna i mesora a risibí konfirmashon di esaki.
SOAW ta kontentu ku e inisiativa di SVB pa garantisá ku nos penshonadonan por gosa e fin di aña aki aun mas, dor ku nan ta risibí nan bónus èkstra.
E logro aki ta demostrá ku union ta hasi forsa i ku tur kos ta posibel ora ku traha huntu. Maske ku nos ta den un tempu difísil tòg ta posibel ku nos penshonadonan por tin un fin di aña mas agradabel den seno familiar.
Un danki na SVB pa e inisiativa i logro aki.
